Centenarian Blues

Malipayong gidawat ang kantidad nga P100 thousand pesos sa usa ka centenarian atol sa Awarding Ceremony nga gipahigayon sa Liga Hall niadtong July 5, 2019.Si Lolo Bugay S. Caag, residente sa Brgy. Kamada, natawo niadtong January 6, 1914.Sa edad nga 105, nagpasalamat siya sa iyang mga anak sa pag-atiman kaniya ug labaw sa tanan, sa Labaw’ng Makagagahum kay naka –abot sya sa edad nga kapin gatos ka tuig. Giingon ni Tita Compaña, Senior Citizen Program Head sa Department of Social Welfare and Development (DSWD)-Region 12 nga ang cash incentive balor 100 thousand pesos, assistance para sa pagmentina sa maayong panglawas sa naasoy’ng tigulang susama sa pamalit sa tambal, nutritious nga pagkaon, mga beste ug uban pang nag-unang panginahanglanon.Gi- orient usab ang pamilya kung unsaon ang eksaktong pag-manage sa kwarta para i-sustain sa panginahanglanon ni Lolo.Matud pa kang Mayor Toto Gonzaga, dako ang iyang pagpasalamat sa DSWD sa tabang ug suporta niini ngadto sa iyang pamunuan ilabi na sa programa alang sa senior citizen.Samtang giingon usab ni Antonia Fernandez, Municipal Social Welfare Head nga niagi sa makuting proseso ang mga papeles ni Lolo Bugay basi sa guidelines sa DSWD. (clq-uswag)